10個你未必聽過的歇後語

「歇後語」是廣東話特有的文化之一，前半段為提示，讓對方推敲出真正的意思。平日我們口中常說的「牛皮燈籠」、「老貓燒鬚」、「阿茂整餅」的意思相信大家都耳熟能詳，並已成為大眾常用的四字詞語。

但以下10個不太常見的歇後語，你又估得到它們的真正意思嗎？

1. 扁鼻佬戴眼鏡

意思：無得頂，因扁鼻的人鼻樑難以頂起眼鏡。

例句：

 

隔嚟屋小明去左牛津讀書呀，真係「扁鼻佬帶眼鏡」，無得頂！

 

2. 單眼佬睇老婆

意思：一眼睇晒，因「單眼佬」只有「一眼」。

例句：

 

佢間屋有幾大呀，「單眼佬睇老婆」啫，一眼睇晒啦！

 

3. 孔夫子搬家

意思：全部輸。因孔夫子多書籍，取「書」諧音「輸」。

例句：

 

阿強你可唔可以借錢比我呀？我琴日過咗大海玩呀，諗住過下手癮啫，點知「孔夫子搬家」，全部輸！

 

4. 賣布唔帶尺

意思：存心不良。賣布的商販一般有尺，方便按客人買多少碼來量度，但商販竟然沒有尺，即有心不量度，取「量」諧音「良」，引申為「存心不良」。

例句：

 

個間舖黑店嚟㗎，根本就係「賣布唔帶尺」，居心不良！

 

5. 番鬼佬月餅

意思：悶極。番鬼佬暗指用英文說月餅，月餅英文是Moon cake，取其諧音為「悶極」。

例句：

 

今日鋪頭都無客嘅，咁鬼靜，真係「番鬼佬月餅」囉！

 

6. 飛機打交

意思：高竇。飛機一般在高空飛行，而打交書面語可稱為「打鬥」，取「鬥」諧音為「竇」。

例句：

 

聽講個明星好似「飛機打交」咁，好高竇！當正自己字宙第一國際大明星咁，又成日黑面，唔怪得無晒fans啦！

 

7. 跪地餵豬乸

意思：睇錢份上。男兒膝下有黃金，如今又要「跪地」，又要做「餵豬乸」這樣的苦差，當然是看在錢的份上才會願意做。

例句：

 

鬼唔知份工惡頂咩，但呢排無工開，唯有「跪地餵豬乸」，頂硬上！

 

8. 老公荷包

意思：膚淺，老公即「丈夫」，荷包中有錢，取「夫錢」諧音為「膚淺」。

例句：

 

好心你扮人咪咁「老公荷包」，真膚淺！

 

9. 老公撥扇

意思：悽涼，老公幫妻子撥扇，妻子乘涼，取「妻涼」的諧音為「悽涼」。

例句：

 

隨嚟team個瘟神呀，聽講佢最近比老細省左一大輪，真係「老公潑扇」，悽涼囉。

 

10. 南無佬跌落屎坑

意思：無晒符。「南無佬」身上一般帶備「符咒」，但「跌落屎坑」後符咒就會濕掉，加上骯髒便不能用，因此取其意思「無晒符」。

例句：

 

今次佢公司咁蝕法，我諗佢老細真係「南無佬跌落屎坑」，無晒符囉。