英文是沒有 future tense?

很久之前，就已經有語言專家指出，英文是沒有 future tense 的。香港人很難接受這個說法，因為自小學三年級開始，我們已經學到 future tense 這個概念，即是「將來式」。

舉個例：I will go to Ocean Park tomorrow，我明天會去海洋公園；I will sell my car next month，我下個月會賣車。這兩句的 will go 和 will sell 就是所謂的 future tense，而 will 就是「將」或者「會」的意思。

但有些語言專家認為，go 是現在式，went 是過去式，而 go 和 went 是兩個完全不同的字，所以絕對存在兩種不同時態。但 will go 的 go，其實跟現在式的 go 是同一個字，硬要將 will go 說成是另外一種 tense，那些語言專家認為不合理。

姑勿論你是否接受語言專家這個說法，以下這個概念，你必須要搞清楚，那就是：用不同的字眼表示「將來的行動」，會有不同的意思。有些教科書就算有教，都未必解釋得清楚，現在重新上一次小學生的課吧。

表達將來嘅事，教科書最常教嘅兩種說法係 will 同埋 going to。呢兩種說法都係講緊將來嘅事，但係意思上好大分別。

I will start my own business，呢句嘅 will，係助動詞，即係講到明你仲未開始搞你嘅生意。Will 作名詞用的話，是意願，所以 I will start my own business，係表示緊一種你想搞生意嘅心願。要表達呢句嘅意思，你唔一定要用 will，你可以講 I want to start my own business 或者 I hope I can start my own business。

如果搞生意唔係你嘅心願咁簡單，而係你嘅計劃，你可以考慮講 I am going to start my own business。留意，going to 呢個講法並唔係 future tense。I am going to start my own business 其實就等於說 I plan to start my own business。

但如果，你其實已經專登為咗搞生意而辭左宜家份工，仲要問銀行借埋錢租埋寫字樓，咁 I will start my own business 或者 I am going to start my own business 都唔足以表達呢種狀態，你要講 I am starting my own business。唔好見到 starting，就以為呢句係「現在進行式」。你講到 I am starting my own business，雖然都係未發生，但係就表示緊整件事已經係如箭在弦，一觸即發。

因此，如果你個 friend 識咗個世紀賤男，然後同你講 I will get married with him，你都仲可以問佢「諗清楚未㗎」。但係如果佢同你講 I am getting married with him，雖然都係未結，但係其實可能已經訂好哂酒席，分分鐘連大禮都過埋。喺呢個情況，最好都係唔好問咁多，祝佢好運算啦。